Мероприятия шестого школьного дня за 2020/2021 учебный год

Сонечнае надвор’е прыдало бадзёрасці, добрага настрою і спрыту. Дзеці з задавальненнем спаборнічалі, бегалі, гулялі з мячом у розныя гульні. Традыцыйна Дзень здароўя закончыўся сяброўскім чаяпіццем.

На мерапрыемстве дзеці ўспаміналі казкі і казачных герояў, гулялі ў гульні, расказвалі свае любімыя казкі, адпачылі разам з казкай.

Гульня-падарожжа «У казачны лес за пакупкамі».

Для таго каб правільна распараджацца грашыма, дзеці адправіліся ў казачны лес, дзе іх чакалі героі адной з казак. Рабяты ў гульнявой форме вучыліся ўлічваць важнасць і неабходнасць пакупкі, развівалі сваю фінансавую граматнасць.

Ток-шоу «Мая прафесія- фінансіст»

Вучні з цікавасцю адказвалі на пытанні, шукалі выйсце са складаных жыццёвых сітуацый, выступалі з паведамленнямі. Веды, атрыманыя падчас мерапрыемства, дапамогуць падлеткам зрабіць правільны жыццевы выбар.

20 лютага адбылося спартыўнае свята “Мужчынская размова”.  Хлопчыкі з задавальненнем прынялі ўдзел у спартыўнай эстафеце. Астатнія навучэнцы падтрымлівалі іх і падарылі прыгожыя музычныя нумары.

Разумеючы, што зіма - суровы час года, а для птушак самая цяжкая пара, 13.02.2021 года ва ўстанове адукацыі прайшла Акцыя «Экалагічная кармушка», у якой прынялі ўдзел вучні 1-6 класаў

У рамках акцыі «Міншчына спартыўная» адбылася таварыская сустрэча па піянерболе сярод навучэнцаў малодшых класаў.

Што за краіна Шчаслівія? Вядома гэта Беларусь. Падарожжа прайшло на паравозіку па станцыях. Дзецям было вельмі весела і пазнавальна.

Прайшоў трэнінг сярод навучэнцаў 7-11 класаў «Прафілактыка булінга сярод падлеткаў». У ходзе мерапрыемства былі сфарміраваны ўстойлівыя добразычлівыя адносіны ў групе падлеткаў. Навучэнцы набылі навыкі канструктыўна рэагаваць у канфліктнай сітуацыі, навыкі зніжэння агрэсіі.

Сустрэча праходзіла ў дружалюбнай атмасферы за кубачкам гарбаты. Дзеці рабілі паведамленні пра ролю інтэрнэта ў жыцці чалавека, зачытвалі вершы, замалёўкі пра карысць і шкоду “сусветнай павуціны”.Размаўляючы пра інтэрнэт і здароўе чалавека, вучні не імкнуліся рашыць праблему чалавецтва. Але, разважаючы, яны вучыліся чуць і слухаць адзін аднаго. У ходзе абмеркавання дзеці вучыліся жывым зносінам – менавіта таму, чаго ніякі камп’ютар не можа даць, таму, чаго сёння так не хапае многім з нас.

 Асноўная мэта мерапрыемства – паглыбленне першапачатковых уяўленняў дзяцей аб асноўных правах чалавека, дапамога навучэнцам усвядоміць узаемасувязь правоў і абавязкаў , фарміраванне ў падлеткаў адказнасці за свае ўчынкі, як неад'емнай ўмовы захавання іх правоў. Круглы стол дазволіў падлеткам бліжэй пазнаёміцца са сваімі правамі і абавязкамі, выслухаць даклады сваіх аднагодкаў, даведацца аб магчымых канфліктных сітуацыях, правапарушэннях і спосабах іх урэгулявання. Падводзячы вынікі мерапрыемства, удзельнікі прыйшлі да высновы, што кожнае дзіця мае не толькі правы, але і абавязкі перад грамадствам, аб неабходнасці ведання і выканання законаў і нормаў паводзін не толькі дарослымі, але і дзецьмі.

В рамках акции «Минщина спортивная» состоялось мероприятие «Веселая лыжня»

 Малодшыя школьнікі каталіся  на лыжах, тапталі “вясёлыя лабірынты”, гулялі ў снежкі. Старшакласнікі правялі першынства па лыжных гонках. Белы пульхны снег стварыў незвычайную прыгажосць і радасць для дзетвары. Дзень прайшоў цікава і захапляльна.

Навучэнцы нашай школы, бацькі і настаўнікі прыклалі крыху фантазіі, гумару і любові - і атрымалася сапраўдная «Навагодняя казка».
Уражвалі сваёй прыгажосцю і непаўторнасцю вырабы - гэта і мяккія цацкі, прыгажуні-елкі з агеньчыкамі, снегавікі, разнастайныя навагоднія вяночкі, казачныя сюжэтныя карціны. Работы былі выкананы з розных матэрыялаў: паперы, пластыліну, ваты, пенапласту, мішуры, нітак, стужак, пацерак, вушных палачак.
Мы выказваем падзяку дзецям, бацькам, педагогам, якія прынялі актыўны ўдзел у выставе

Паміж вучнямі 7-8 класаў адбыўся шашачны турнір